TNPSC தேர்வில் குளறுபடி – முக்கிய தகவல்கள் TNPSC Civil Judge Exam Confusion 2023

தமிழ்நாடு முழுவதும் நீதிமன்றங்களில் உள்ள உரிமையியல் நீதிபதி காலிப் பணியிடங்கள் தமிழ்நாடு அரசு பணியாளர் தேர்வாணையம் மூலம் 2014ஆம் ஆண்டு முதல் நிரப்பப்பட்டு வருகிறது. இதற்கான எழுத்துத் தேர்வு டிஎன்பிஎஸ்சி நடத்தும் நிலையில், அதில் உயர் நீதிமன்றமும் பங்களித்து வருகிறது. அந்த வகையில் தமிழ்நாடு முழுவதும் 245 சிவில் நீதிபதி காலிப் பணியிடங்களை நிரப்புவதற்கான அறிவிப்பு கடந்த ஜூன் மாதம் வெளியானது.

இணையுங்கள் எங்களின் கல்வி மற்றும் வேலைவாய்ப்பு தகவல்கள் குழுவில்
OUR GOOGLE NEWS LINK - FOLLOW NOW
கல்வி வேலைவாய்ப்பு
WhatsApp Group Click here
Telegram Click here
தகவல் களஞ்சியம்   
   WhatsApp Group Click here
 
Latest Government Jobs 2023 - Click here to apply

நீதிபதி தேர்வை எழுதுவதற்காக 17,037 சட்டம் படித்த பட்டதாரிகள் விண்ணப்பித்திருந்த நிலையில், அவர்களுக்கு ஆகஸ்ட் மாதம் 19ஆம் தேதி முதல்நிலை எழுத்துத் தேர்வு நடைபெற்று முடிந்தது. 12,037 பேர் தேர்வை எழுதினர். தேர்வு முடிவுகள் அக்டோபர் 11ஆம் தேதி வெளியான நிலையில் தேர்வர்கள் பெற்ற மதிப்பெண் மற்றும் இடஒதுக்கீடு உள்ளிட்டவற்றை பின்பற்றி 2544 பேர் முதன்மைத் தேர்வு எழுத அழைக்கப்பட்டனர்.

TNPSC Civil Judge Exam Confusion 2023
TNPSC Civil Judge Exam Confusion 2023TNPSC Civil Judge Exam Confusion 2023

25 மையங்களில்

இதனைத் தொடர்ந்து சிவில் நீதிபதிக்கான முதன்மைத் தேர்வுகள் நேற்று சென்னையிலுள்ள 25 மையங்களில் நடைபெற்றன. நேற்று காலை மொழிபெயர்ப்பு முதல் தாளும், மதியம் சட்டம் முதல் தாளும் தேர்வுகள் நடைபெற்றன. 18 பேரின் விண்ணப்பங்கள் நிராகரிக்கப்பட்டதால் 2526 பேர் மட்டும் தேர்வு எழுதினர். இந்த நிலையில் சட்டம் இரண்டாம் தாளுக்கான தேர்வுகள் இன்று காலை தொடங்கின. வட சென்னை மையத்தில் வினாத்தாளை வாங்கி பிரித்துப் பார்த்த தேர்வர்கள், சட்டம் மூன்றாம் தாளுக்கான வினாக்கள், சட்டம் இரண்டாம் தாளில் கேட்கப்பட்டுள்ளதாக தேர்வு மேற்பார்வையாளர்களிடம் புகார் தெரிவித்தனர். இதனால் தேர்வறையில் குழப்பங்கள் ஏற்பட்டது.

டிஎன்பிஎஸ்சி விளக்கம்

இந்த விவகாரம் சர்ச்சையான நிலையில், டிஎன்பிஎஸ்சி சார்பில் உடனடியாக விளக்கம் அளிக்கப்பட்டுள்ளது. அதில், “சென்னை உயர் நீதிமன்றம் வழங்கும் அறிவுறுத்தல்கள் படிதான், உரிமையியல் சிவில் நீதிபதிகளுக்கான தேர்வுகள் நடத்தப்படுகிறது. உயர் நீதிமன்றம் கேள்வித் தாள்களை தயாரித்து எங்களிடம் கொடுத்தனர். நாங்கள் அதை தேர்வர்களுக்கு விநியோகம் செய்தோம்.

இதில் டிஎன்பிஎஸ்சி தவறு எதுவும் இல்லை. எனினும் தேர்வர்களின் புகார் பற்றி உயர் நீதிமன்ற பதிவாளரிடம் தகவல் தெரிவிக்கப்பட்டது. வினாத் தாளில் குளறுபடி இல்லை என பதிவாளர் தெரிவித்ததோடு தொடர்ந்து தேர்வை நடத்தலாம் என்று கூறினார்” என்று விளக்கம் அளித்துள்ளது. இந்த நிலையில் பிற்பகல் மூன்றாம் தாள் தேர்வுகளை மாணவர்கள் தற்போது எழுதி வருகிறார்கள்

Leave a Comment

error: Content is protected !!